Калина Љубецкиј е ученичка во трета година во скопската гимназија „Раде Јовчевски – Корчагин“.

Се интересира за сите форми на уметноста уште од рана возраст, но најмногу за архитектурата и сликарството кои отсекогаш ја привлекувале. Искрено е заинтересирана за пишување поезија и има желба да се развива во таа насока.

Во 2019 година учествувала на книжевната работилница „Скопски креативни приказни“ под менсторство на Марина Мијаковска, Елена Пренџова и Ирена Јурчева, а под покровителство на Град Скопје и во организација на Домот на културата „Кочо Рацин“ – Скопје и „Просветно дело“, во рамките на која е издаден зборниот Кратки раскази за Скопје (2019) во кој, секако, се објавени и нејзини авторски дела.

Во 2020 година присуствувала и на предавањето и работилницата за јапонски кодирани форми, водена од Марина Мијаковска, а под покровителство на Град Скопје и во организација на Домот на културата „Кочо Рацин“ – Скопје.