Ментори

Елена Пренџова е магистерка по филолошки науки и дипломирана професорка по англиски јазик и книжевност. Работи како советничка за превод при Универзитетот „Мајка Тереза“ во Скопје, а предава и во Центарот за обука ЕВА (Едукативна вокациска асистенција).

Пренџова е првата во нашата земја која почна да менторира работилници за креативно пишување, реализирајќи ги своите работилници и надвор од земјата:

октомври-ноември 2019: Менторка на серијата креативни работилници за креативно пишување наменети за основци/основки и средношколци/средношколки што се одржуваа во 6 градови низ Македонија со завршна приредба во Скопје – „Карван на креативни работилници за креативно пишување“ – со поддршка на Министерството за култура во рамките на манифестацијата „Нов културен бран“ во 2019 година
март 2019: Коменторка на работилницата за креативно пишување „Мали приказни од Скопје“ во соработка со „Просветно дело“, Скопје – со поддршка на Град Скопје во 2019 година
март 2019: Коменторка на работилница за креативно пишување во градската библиотека „Бора Станковиќ“ во Врање, Србија во склоп на манифестацијата „Борински литературни денови“, организирана од градот Врање
август 2018: Коменторка на слем-работилница во рамките на Интернационалниот филмски фестивал „Оревче бич фестивал“
март 2018: Менторка на работилница по креативно пишување на ориентални кратки поетски форми во „Врајтинг студио“, Скопје
февруари 2018: Менторка еднодневната едукативна работилница по креативно пишување на тема „Ориентални кратки поетски форми – ХАИКУ И СЕНРЈУ“ во рамките на проектот „Самодовербата и социјалната инклузија предуслов за достоинствено старењее“ во Куманово
декември 2017: Коменторка-инструкторка на работилница „Уметничка креативност во поезијата“, проект „Социјална инклузија на лицата од трето доба“ во рамките на проектот на Републичкиот одбор на Црвениот крст на Македонија во Скопје
декември 2016: Менторка по слем-работилница со средношколците од Охридската гимназија, спроведена преку Националниот младински совет на Македонија (НМСМ)
октомври–ноември 2015: Хонорарна менторка по работилниците за стилски вежби по креативно пишување „Надреалистички техники по пишување“ во школата за уметности „Џолев и уметностите“.

Пренџова е авторка на десетина авторски збирки поезија:

Шшш! Интимистичка Вајбер поезија (прво и второ издание) – национална награда „Јован Котески“ за најдобра поетска книга
Мини прирачник за поезија, книга есеи, говори, коментари и размисли за поезијата
Љубољубива/Политички коректна поезија, издание на српски јазик (препев: Катарина Фиаменго)
2014 Љубољубна – награда „Караманов 2014“ за најдобар поетски ракопис
2014 Политички коректна поезија - награда „Даница Ручигај“ за најдобра поетска книга од авторка, членка на Друштвото на писателите на Македонија
Život pod zvezdama, издание на хрватски јазик (препев: Жарко Милениќ), Брчко, БиХ
2013 Живот под ѕвездите – награда „Македонска книжевна авангарда“ за ново авангардно книжевно творештво за необјавен поетски ракопис
2011 Пораки од морето – награда „Бели мугри“ за најдобар поетски ракопис на млад автор
2009 Таа
2006 Јас

Пренџова се занимава и со слем-поезија и изведбена поезија. Ја претставувала Македонија на Европското слем-првенство во 2016 г. Пренџова е коорганизаторка на Националниот слем-натпревар.

Пренџова го коорганизира и културниот настан за правата на жените – „Крикот на жената“ – Интернационален поетски и уметнички фестивал со цел поддршка на правата на жените и против насилството против жените (со интернационална лиценца добиена од Шпанија).

Јане Стојаноски дипломирал на Архитектонскиот факултет при Универзитетот „Св. Кирил и Методиј“ во Скопје, во 2009 година на тема „Програмско инфилтрирање: културно-информативен пункт, музеј, кафе, Кале – Скопје“.

Работел како демонстратор на Архитектонскиот факултет во Скопје и како проектант-соработник во „Прима инженеринг“-Скопје. Моментално работи како планер во „Тајфа-план“ – Скопје.

Учествувал на повеќе работилници, конференции и изложби:

2007 „Просторот како медиум“ – работилница за ревитализација на левиот брег на Вардар во организација на Архитектонскиот факултет во Скопје и градот Скопје;
2008 Европски собир на студенти по архитектура (EASA), Ирска;
2011 „Учење од модернизациите“, конференција во рамките на проектот „Недовршени модернизации“, Скопје;
2011 „Failed architecture“, дебата во рамките на Неделата на архитектурата, Скопје;
2011 Основачка конференција на „Мрежа 45+“ (интернационална мрежа на истражувачи на повоената архитектура во Европа), Берлин;
2005 „Круг: ре-визија“, галерија Press to Exit, Скопје;
2006/2008 БИСТА – Биенале на студентите по архитектура;
2007 „Поинаку од секогаш: современиот дизајн и моќта на конвенционалното“, Музеј на современата уметност, Скопје;
2009 „Ние“ – изложба по повод 60 години од основањето на Архитектонскиот факултет, Музеј на град Скопје;
2011 АСК – Архитектура на град Скопје, Музеј на град Скопје;
2012/2018 БИМАС - Биенале на македонската архитектура, Музеј на град Скопје.

Учествувал и на конкурсите за идејно решение на управната зграда на ЈП „Водовод и канализација“ (Скопје, 2010 год.) и „Менување на ликот“ – уредување и довршување на локацијата „Паромлин“ (заеднички труд со Невенка Манчева, Загреб, 2010 год.).

Во 2011 година заедно со Весна Митаноска и Невенка Манчева ја организира изложбата на концепти за интервенции на напуштени и запуштени објекти „Подмладување“ во културниот центар „КреАКТИВ“, а истата година заедно со Весна Митаноска ја организира и работилницата „Освојување на просторот“ наменета за неархитекти заинтересирани за продлабочено запознавање со архитектурата, на покана на културниот центар „КреАКТИВ“.