Софија Тодороска е ученичка од трета година во гимназијата „Раде Јовчевски – Корчагин“ во Скопје.

Со пишување се занимава од многу рана возраст и тоа станува нејзин начин за самосознание. Љубовта кон уметноста и архитектурата и желбата за нејзино подробно запознавање претставуваат мошне интересен спој со поетското изразување.

Авторка е на поетската збирка Бубамари и бели ради (2020).

Добитничка е на награда за поетско дело при конкурсот распишан во чест на децата бегалци од Егејска Македонија при „Петтата светска средба на децата бегалци од Егејскиот дел на Македонија“ во 2018 година.

Во 2019 година учествувала на работилницата за краток расказ „Скопски креативни приказни“ под менторство на Ирена Јурчева, Марина Мијаковска и Елена Пренџова, во организација на „Просветно дело“ и Културниот дом „Кочо Рацин“ од Скопје, со покровителство на Град Скопје.

Во 2020 година присуствувала на креативната работилница за пишување на кодирани јапонски жанри водена од Марина Мијаковска.